N-II

N-II
Tipoloxía	Estrada convencional
Rede	Rede de estradas do Estado
Lonxitude	780 km
Localización
Inicio	Madrid
Fin	La Jonquera (Xirona)

A N-II é unha estrada radial que une Madrid e o paso fronteirizo de Els Límits (municipio de La Jonquera) pasando por localidades como Guadalaxara, Zaragoza, Lleida, Barcelona e Xirona.

A nomenclatura actual desta vía, así como do resto das estradas nacionais de España, estableceuse no cuarto plan xeral de estradas de 1939-41 (Plan Peña). Na actualidade gran parte do trazado transformouse en autovía pasando a denominarse A-2. Aínda quedan tramos sen duplicación de calzada coa denominación de N-II, como ruta alternativa e gratuíta á AP-2 (entre Zaragoza e Fraga) e á AP-7 (entre Barcelona e La Jonquera).