Nao

Nao (do latín navis, "navío") é un tipo de embarcación empregada para a navegación oceánica. Son buques con tres paus, velas cadradas, castelo de proa e popa e un alto francobordo, pero sen remeiros. Á palabra nao déuselle a un variado tipo de embarcacións durante os séculos XIV, XV, XVI e XVII.

As naos son unha evolución das cocas medievais que só tiñan un mastro e casco redondo. Desprazaban entre 100 e 500 toneladas. Tiñan unha relación entre a eslora e a manga de 3 a 1. Xeralmente estaban construídas con madeira de carballo.

Coa nao Santa María Cristovo Colón chegou a América en 1492. A nao Victoria foi o único dos cinco barcos de Fernão de Magalhães que volveu a Europa en 1522 despois de circunnavegar o planeta Terra.