Navadurga

An Navadurga (Sanskrito: नवदुर्गा, romanisado: Navadurgā), pigsasayod man na Navdurga asin Navadurgas, siyam na manipestasyon asin porma ni Durga sa Hinduismo, espesyalmenteng sinasamba durante kan Navaratri asin Durga Puja. Sa parati, ibinibilang iyan na sarong diedad, kan mga parasunod kan mga sektang Shaktismo asin Shaivismo nin Hinduismo.^[1]

Segun sa mitolohiyang Hindu, an siyam na porma kinokonsiderar na siyam na tangga kan Durga durante kan siyam na aldaw na lawig kan giyera sa hadeng demonyo na si Mahishasura, kun saen an ikasampulong aldaw sineselebrar bilang Vijayadashami (lit. Aldaw nin Kapangganahan) para sa gabos na Hindu asin kinokonsiderar na saro sa pinaka importanteng kapiyestahan.^[2]

1. ↑ J. Gordon Melton; Baumann, Martin (2010). Religions of the World: A Comprehensive Encyclopedia of Beliefs and Practices, 2nd Edition. ABC-CLIO. pp. 2600–2602. ISBN 978-1-59884-204-3. 
2. ↑ Ramachandran 2020, pp. 21-23.