Nevez-Konfusianegezh

Nevez-Konfusianegezh (sinaeg 宋明理學^[1] , pinyin sòng míng lĭ xué) a reer eus ur brederouriezh sinaat a zo un emdroadur eus ar Gonfusianegezh a c'hoarvezas e-kerzh ren ar remziadoù Song(960-1279) ha Ming (1368-1644)^[2].
Donoc'h eo gwrizioù an Nevez-Konfusianegezh avat, pa c'haller kavout an orin anezhi dindan ren ar remziad Tang (618-907) e skridoù ar prefed HAN Yu (768-824)^[3] ha re ar skrivagnerien LI Ao (772-841^[4])^[5] ha LIU Zongyuan (773-819)^[6]. , a glaske degas meizadoù bouddhaat ha daoat d'ar Gonfusianegezh.
Gant ar prederour ZHU Xi (1130-1200) e voe staliet ar pezh a anver Nevez-Konfusianegezh hiziv an deiz, hag a zo bet ar gelennadurezh konfusian reizh e Sina a-hed marevezh ar remziad Qing (1644-1912). Alies e ra Sinaiz 理學 lĭ xué hepken eus an Nevez-Konfusianegezh en ur ober dave da zamkan Zhu Xi, lĭ xué, "gouziegezh an abegoù / gouiziegezh ar gwiadur".

1. ↑ http://www.chine-nouvelle.com/outils/dictionnaire.html ; eus ar geriadur-se e teu kement kealarouez a gaver er pennad-mañ.
2. ↑ CHIN Annping, 2010
3. ↑ RYCKMANS Pierre, en Dictionnaire de la Civilisation chinoise, pp. 340-343
4. ↑ TWITCHETT, 1992
5. ↑ SCHIPPER Kristofer, en Dictionnaire de la Civilisation chinoise, pp. 402-403
6. ↑ HOLZMAN Donald, en Dictionnaire de la Civilisation chinoise, pp. 491-492