Nivozo

Nivozo (france Nivôse) estas la nomo de la kvara monato de la franca respublika kalendaro, la unua de la vintra sezono, kiu komenciĝas la 21-a, 22-a aŭ la 23-a de decembro kaj finiĝas la 19-an, 20-an aŭ 21-an de januaro, laŭ la jaro. Ĝi koincidas proksimume kun la ŝajna preterpaso de la Suno ĉirkaŭ la zodiaka konstelacio Kaprikorno.

La nomo devenas el la latina radiko "niv-" por neĝo, kio kutime oftas en tiu jarepoko en la Norda Hemisfero.