Nochthemmad

A Nochthemmad^[1] oda Nochtgwand^[1] is a Gwand, wos noamoiaaweis zum Schloufa oziagt. Wenn ma heind vu am Nochthemmad redt, moand ma in de meistn Fäj d'Nochtwesch vu ara Frau. Nochthemmada gib't s aa fia d'Maana, owa daj hod ma heidzdoch nimma so oft. A klassischs Nochthemmad is aus Leina oda Baamwoi, s guit owa aa edlare Modöi aus Seidn, Satin oda Nylon. Monche Modöi san aa mit Spitze vaziat oda bstickt.

A Nochthemmad ko an Ausschniid hom. Monche hom Öame, ondane hom Träga oda wean om Buckl festgmocht. Aa bei da Leng gibt's untaschidliche Oatn. A klassischs Nochthemmad gejt noamalaweis bis zu de Knaj oda a Stickl weida. A Babydoll gejt bis zu de Hüftn und a Neglige ko bis am Bôn gaj.

1. ↑ ^{1,0 1,1} Ejtrog im Österreich-Wörterbuch. Aa d'Foam Nachtgewand (dt.: Nachthemd) ko ma in de Kommentare lesn