Back Afrika Barôh ACE Noord-Afrika AF ስሜን አፍሪካ AM شمال إفريقيا Arabic شمال افريقيا ARZ África del Norte AST Lentefa Afrika AVK Şimali Afrika AZ قوزئی آفریقا AZB Төньяҡ Африка BA
Nordafrika isch die multinazionali geografischi Äihäit z Afrika, wo am genauste umrisse isch. Iir wichdigsts Charakteristikum isch d Wüesti Sahara, wo im Weste bis an d Atlantikküste goot. Wil geologisch die arabischi Blatte bzw. die Arabischi Halbinsle zu Afrika ghöört, isch si geografisch e Däil vo Nordafrika. Die kulturelli Äihäit wird hauptsächlig dur en Islam bestimmt, die ethnischi dur Araber, Maure und Berber, im südligste Beriich au Nubier, Amhare und schwarzafrikanischi Ethnie. Zu de Kärnstaate vo Nordafrika ghööre Marokko mit dr Westsahara, Algerie, Tunesie (dr chlii Maghreb), Libye (dr grooss Maghreb), Egüpte und dr Sudan. Mauretanie, Niger, Mali, Tschad, Ethiopie, Eritrea und Südsudan si Randzone und nume in gwüsse Zämmehäng (z. B. Geologii, Klima, Ökologii, Sahelzone) relewant.