Obsidiana

Obsidiana
Xeneral
Subclase de	roca volcánica y vidrio volcánico (es) [1]
Material	cuarzu y feldespatu
Propiedaes físiques
Color	negru, marrón y bermeyu
Durez de Mohs	5,5

La obsidiana, denomada dacuando vidru volcánico, ye un tipu de piedra ígneo —piedra volcánico perteneciente al grupu de los silicatos—, con una composición química de silicatos alumínicos y un gran porcentaxe (70 % o mayor) d'óxidos sílicos. La so composición ye paecida al granitu y la riolita.

La obsidiana nun ye un mineral, porque nun tien una composición química bien definida. De cutiu clasifícase-y como un mineraloide. La so durez na escala de Mohs ye de 5 a 6. El so pesu específicu ye de 2,6. La superficie de frayatu ye concoidea, esto ye, curva.

El so color ye negru, anque puede variar según la composición de les impureces del verde bien escuru al claru, al acoloratáu y tar vetiada en blancu, negru y colloráu. El fierro y el magnesiu coloréenla de verde escuru a marrón escuro. Tien la cualidá de camudar el so color según la manera de cortase. Si córtase paralelamente'l so color ye negru, pero cortada perpendicularmente el so color ye buxu.

La obsidiana ye un material duro y argayadizo, y al quebrar tien cantos bien afilaos, una propiedá que s'utilizó nel pasáu pa la ellaboración de ferramientes de corte y perforación, y anguaño de forma esperimental como fueyes de bisturín quirúrxicu.^[2]

1. ↑ URL de la referencia: https://hedendaagsesieraden.nl/2023/11/18/glas/.
2. ↑ Brian Cotterell; Johan Kamminga (1992) Mechanics of pre-industrial technology: an introduction to the mechanics of ancient and traditional material culture. Cambridge University Press, páx. 127. ISBN 978-0-521-42871-2. Consultáu'l 9 de setiembre de 2011.