Oestroidea — надсямейства інфраатраду Muscomorpha з падатраду караткавусых (Brachycera) двукрылых. Больш за 12000 відаў, уключаючы сямействы Oestridae, Calliphoridae і Sarcophagidae. Сустракаюцца сусветна. Мерон з вертыкальным шэрагам шчацінак. Латэратэргіты з валасінкамі. Жылка A1 пярэдняга крыла не датыкаецца да яго краю. Надсямейства Oestroidea дзеліцца на дзве монафілетычныя падгрупы: больш генералізаваную (Calliphoridae, Mystacinobiidae, Sarcophagidae) і больш спецыялізаваную (Rhinophoridae, Tachinidae, Oestridae).
