Olderni

Olderni Alderney (Inggris) Aoeur'gny (Olderni) Aurigny (Prasman)
Ibu negeri	Sint-Ane
Nama pengendek	Olderni

Olderni (hurup Arab Gundul: الدرنى; basa Inggris: Alderney; basa Prasman: Aurigny; basa Olderni: Aoeur'gny) entu atu bagèan deri Kepuloan Kanal di Selat Inggris, di antara Inggris ama Prasman. Ni juga' bagèan deri Kebéliuan Gèrensi, cuman dia ada punya parlemènnya sendèwèk, Negeri-Negeri Olderni (hurup Arab Gundul: نݢرى٢ الدرنى; basa Inggris: States of Alderney; basa Prasman: États d'Aurigny), nyang bisa' nguarin wèt bakal ni negara. Adapun hopstadnya^[1] entu Sint-Ane.

Basa terdisionilnya mah sebenernya basa Olderni, cuman udah paèh dah, mangkanya ora ada nyang bisa lagi.

Pas jaman Perang Dunia II, Olderni dipaké bakal kam konsèntrasi ama orang-orang Dèt, nyang itu waktu udah nguasain masing-masing pulo di Kepuloan Kanal.

1. ↑ Hopstat atawa hopstad (hurup Arab Gundul: هوفستت atawa هوفستاد) – ibukota (Indo.); capital (Ing.); hoofdstad (Wld.).