Onderneming

'n Sakeonderneming is 'n outonome/onafhanklike ekonomiese eenheid wat goedere en dienste binne 'n spesifieke ekonomiese stelsel produseer en lewer. Ondernemings is die nywerheid se kontakpunt met die verbruiker. Ondernemings voeg die verskillende sakefunksies bymekaar deur middel van goeie bestuur om winsgewendheid en gladde bedryfsverloop, onder meer, teweeg te bring. In die studie van bedryfsekonomie, bestaan daar drie verskillende ondernemings, naamlik klein ondernemings, medium ondernemings, en groot ondernemings. Daar is nie 'n duidelike onderskeid tussen die drie ondernemings van verskillende grootte nie. Die enigste faktor wat onderskeid tref tussen klein en groot ondernemings, is die onafhanklike eienaarskap en beheer.