Ordnungszoi

De Ordnungszoi, aa: Oadnungszoih, Atomnumma, Keanlodungszoih oda Protonenzoih (dt.: Ordnungszahl, Atomnummer, Kernladungszahl, Protonenzahl) gnennd, sogd, wiavui Protonan im Atomkean san. As Formezeichn is Z. Olle Atome mid da gleichn Oadnungszoi kean zum sejbn Element, vo dem wo da Nam duach de Zoi bstimmd wead.

Olle Atome mid da gleichn Protonanzoi, owa aa untaschiedlichn Neitronanzoi wean Isotope gnennd. De Isotope hom ba chemischn Reakziona nua fosd's identische Vahoidn .

Mid dea Zoi wead aa de Eihoadnung vo om chemischn Element ins Periodnsystem vo de Elemente bstimmd. De Oadnungszoi wead normoi voam Elementsymboi links untn ogem.

Noamalaweis is ba om neitroin Atom de Ozoi vo de Protonen und de Elektrona glei, wesweng ma mid da Oadnungszoi a indirekd afd Elektronozoi schliassn ko.

Wann ma de Neitronan- und Massezoi kennd, ko ma de Ozoi vo de Protonan berechna. De Foame dazua is:

Massezoih - Protonen = Neitronenzoih