Osteklokke

Osteklokke er ei klokke, eller ein kuppel, til å setja over sterkt luktande ost og til å setja over ost for at han ikkje skal tørka. Osteklokker kan òg forhindra at insekt eller mikroorganismar kan koma til osten.

Osteklokker kan ha rektangulært eller rundt tverrsnitt, og dei har gjerne eit tilhøyrande fat som er tilpassa forma til klokka. Osteklokker kan vera laga av glas, keramikk, metall og i seinare tid òg av plast.