Pamibi

An pamibi iyo an sarong pag-arang o akto na naghihingoang i-aktibar an sarong rapport na igwa nin obheto nin pagsamba sa paagi kan tuyong pakikikomunikar. Sa piot na sentido, an termino nanonongod sa sarong akto nin pagngayongayo o pag-ultanan na ipinanonongod sa sarong dios o marigsok na apoon. Sa pangkagabsan, an pamibi pwede man na magkaigwa kan katuyohan nin pagpasalamat o pag-omaw, asin kun ikokomparar an relihiyon konektadong marhay sa mas teoretikong mga porma nin paghorophorop asin sa mga anting-anting o engkanto.^[1]

An pamibi pwedeng magkaigwa nin manlainlain na klase: Pwede iyan na magin kabtang nin sarong set na liturhuya o ritwal, asin iyan pwedeng gibohon nin solo o grupo. An pamibi posibleng minabilog nin sarong himno, inkantasyon, pormal na mga tataramon nin kredo, o berbal na mga tataramon sa namimibi.

An akto nin pamibi pinatutunayan sa nasusurat na mga reperensiya kaidto pang 5000 na taon na an nakaagi. Ngonyan, an kadaklan na pangenot na relihiyon imbwelto an pamimibi sa manlaen-laen na paagi; an iba ginigibo iyan, na naghahagad nin estriktong pagkasunodsunod nin mga aksyon o nagbubugtak nin restriksyon sa kun siisay an tinotogotan na mamibi, mantang an iba nagtotokdo na an pamibi pwedeng gibohon nin siisay man ano man na oras.

An sientipikong mga pag-adal mapadapit sa paggamit nin pamibi sa kadaklan nakasentro sa epekto kaiyan sa pagpaomay sa mga may helang o nalugadan. An pagigin epektibo kan pamibi na may pagbolong sa paagi kan pagtubod pinag-isipan sa dakol na pag-adal, na may mga resulta na nagkakasarongatan.

1. ↑ F.B. Jevons, An Introduction to the Study of Comparative Religion (1908), p. 73