Panmongolismo

Este artigo amosa letras cirílicas. Sen o soporte axeitado, o texto pode mostrar símbolos sen sentido, coma caixas, marcas e outros.

O panmongolismo (en mongol: Нармай Монгол) é unha ideoloxía irredentista que defende a solidariedade e a unidade cultural e política dos mongois.^[1][2] O territorio proposto, chamado "Gran Mongolia" (en mongol: Даяар Монгол; Dayaar Mongol), normalmente inclúe o estado independente de Mongolia,^[3] as rexións chinesas de Mongolia Interior e Zungaria (en Xinjiang) e a República dos Buriatos, en Rusia.^[4] Ás veces tamén se inclúen a República dos Tuva, a República de Altai e partes do Krai de Zabaykalsky e o Óblast de Irkutsk.^[5] No ano 2006, todas as áreas da Gran Mongolia, agás o estado de Mongolia, tiñan maiorías non mongois.^[4]

O movemento nacionalista xurdiu no século XX como resposta ao colapso da dinastía Qing e á posibilidade dun estado mongol independente. Despois de que o Exército Vermello axudase a estabelecer a República Popular de Mongolia, a política exterior de Mongolia deu prioridade a buscar o recoñecemento da independencia fronte á expansión territorial. Despois de que a Revolución de Mongolia de 1990 acabase co goberno comunista en Mongolia, xurdiron unha serie de organizacións que promoven o panmongolismo, mais teñen pouco apoio popular.

1. ↑ Kaplonski, Christopher (2004). Truth, History, and Politics in Mongolia. Psychology Press. p. 15. 
2. ↑ Black, Cyril; Dupree, Louis; Endicott-West, Elizabeth; Naby, Eden (1991). The Modernization of Inner Asia. M.E. Sharpe. p. 193. 
3. ↑ Hodder, Dick; Lloyd, Sarah; McLachlan, Keith (1998). Land-locked States of Africa and Asia 2. Taylor & Francis. p. 150. 
4. ↑ ^{4,0 4,1} Steiner-Khamsi, Gita; Stolpe, Ines (2006). Educational Import: Local Encounters with Global Forces in Mongolia. Macmillan. p. 12. 
5. ↑ Garthoff, Raymond (1994). The Great Transition: American-Soviet Relations at the End of the Cold War. Brookings Institution Press. p. 670.