Partenochenesi

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

La partenochenesi ye un proceso reproductor que consiste en que un ovulo no fecundau orichina un individuo adulto completo. La partenochenesi ye una substitución de la reproducción sexual por fecundación común en insectos y poco común en vertebratos.

En lo caso de los insectos socials la partenochenesi fa part d'un ciclo biolochico regular que orichina determinadas "castas" u formas especializadas, (Los abellotz u masclos de las abellas son haploides y s'orichinan a partir d'ovulos).

Por un regular las especies con partenochenesi presentan reproducción sexual con fecundación, u por lo menos comportamiento sexual pa activar los ovulos.

Una sargantana de zonas aridas de Norteamerica (Cnemidophorus uniparens) no tien masclos como mesura de supervivencia en medios especialment extremos, pero las fembras copulan n'i habendo unas que fan de masclos y atras que fan de fembras y que farán desembolicar-se los suyos ovulos dimpués d'una copula que imita lo comportamiento anterior a la fecundación. Dependendo de lo ciclo ovarico las fembras tendrán livels d'estrochens altos u baixos. Cuan lo livel d'estrochén ye alto esta sargantana fa de fembra y cuan lo livel ye baixo fa de masclo.

Bi ha especies en las cuals lo masclo ye desconoixito de tot como en Saga pedo, una pantingana de gran mida con fembra tetraploide.