Passeriformes

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Passeriformes
Pinzán (Fringilla colebs).
Clasificación scientifica
Dominio: Eukaryota Reino: Animalia Filo: Chordata Clase: Aves Orden: Passeriformes

As aus Passeriformes (nombre cientifico en latín; ditas popularment paixaros u muixons en aragonés) son a orden con mes especies adintro en a clase Aves, abracando-ie la metat d'as especies coneixitas d'aus d'o planeta. O nombre d'este clado demana d'o gurrión (Passer domesticus) per estar-ie la especie mes abundant.

Be s'han puesto clasificar arredol d'as 5.400 especies, que ixo ye, lo doble que no la orden de mamiferos mes numerosa, os Rodentia (radedors), estando considerata la orden mes numerosa d'os vertebratos.

Os paixaros gosan estar de mida chica, anque cualques especies en a familia Corvidae (que tamién be ye comprendida) fan midas importants. A suya carateristica mes definidera ye de tener tres didos ta debant y un ta dezaga en os piez, sin garra esperón (a diferencia d'as Galliformes) y d'estar capables de cantar u emitir sons diversos.

A orden de desepara en dos subórdens: Passeri y Tyranni.