Pentywyn

Pentywyn

Math	pentref, cymuned
Poblogaeth	279
Daearyddiaeth
Sir	Sir Gaerfyrddin
Gwlad	Cymru
Cyfesurynnau	51.7472°N 4.5639°W
Cod SYG	W04000552
Gwleidyddiaeth
AS/au Cymru	Samuel Kurtz (Ceidwadwyr)
AS/au y DU	Simon Hart (Ceidwadwr)
Ffeiliau perthnasol ar Comin
[golygwch ar Wicidata]

Pentref a chymuned yn Sir Gaerfyrddin, Cymru, yw Pentywyn^[1] (Saesneg: Pendine).^[2] Saif ger y môr i'r de-orllewin o Sanclêr, a heb fod ymhell o'r ffin a Sir Benfro.

Mae dwy ran i'r pentref; yr hen bentref ar fryn o gwmpas yr eglwys a'r tai o gwmpas yr harbwr, sydd wedi tyfu'n ganolfan ymwelwyr ar raddfa fechan. Ar un adeg roedd Traeth Pentywyn yn cael ei ddefnyddio ar gyfer ymgeisiau i dorri record cyflymdra ar dir y byd. Rhwng 1924 a 1927 torrwyd y record bum gwaith yma gan Malcolm Campbell a'r Cymro J. G. Parry-Thomas. Lladdwyd Parry-Thomas yma yn 1927 wrth geisio torri'r record eto yn ei gar Babs. Claddwyd Babs yn y tywod ar ôl y ddamwain, ac wedi iddo gael ei adfer mae yn awr i'w weld yn yr amgueddfa yn y pentref.

Ers 2004, ni chaniateir ceir ar y traeth. Ond yn 2010 caniateir ceir i barcio ar y traeth yn ystod gwyliau ysgol ac ar benwythnosau. Mae nawr yn costio £3 i barcio car ar y traeth.^[3]

Cynrychiolir yr ardal hon yn Senedd Cymru gan Samuel Kurtz (Ceidwadwyr)^[4] ac yn Senedd y DU gan Simon Hart (Ceidwadwr).^[5]

1. ↑ "Rhestr o Enwau Lleoedd Safonol Cymru". Llywodraeth Cymru. 13 Hydref 2021.
2. ↑ British Place Names; adalwyd 24 Chwefror 2022
3. ↑ Erthygl BBC; Gwefan y BBC] adalwyd 23 Gorffennaf 2013
4. ↑ Gwefan Senedd Cymru
5. ↑ Gwefan Senedd y DU