Peritonitis

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

A peritonitis^[1] ye la inflamación d'o peritoneu localizau u cheneralizau, o revestimiento d'a paret interna de l'abdomen y la cubierta d'os organos abdominals. Os simptomas pueden incluyir dolor intenso, infladura de l'abdomen, calentura u perda de peso. Una parti u tot l'abdomen puede estar sensible. As complicacions pueden incluyir shock y sindrome de dificultat respiratoria aguda.

As causas incluyen perforación d'o tracto intestinal, pancreatitis, malotía pelvica inflamatoria, ulcera estomacal, cirrosi u ruptura de l'apendiz. Os factors de risgo incluyen ascitis (l'acumulación anormal de liquido en l'abdomen) y dialisi peritoneal. Per un regular, o diagnostico se basa en examens, analís de sangre y imáchens medicas.^[2]

O tractamiento a ormino incluye antibioticos, fluidos intravenosos, analchesicos y cirurchía. Atras midas pueden incluyir una sonda nasogastrica u una transfusión de sangre. Sin tractamiento, a muerte puede ocurrir en uns poquez días. Arredol d'o 20 % d'as personas con cirrosi que son hespitalizadas tienen peritonitis.^[3]

1. ↑ (an) Diccionario ortografico de l'aragonés (Seguntes la Propuesta Ortografica de l'EFA). Versión preliminar. Estudio de Filología Aragonesa. ISSN 1988-8139. Octubre de 2022.
2. ↑ (en) Peritonitis en a pachina web de NHS
3. ↑ (en) Ferri, Fred F. (2017). Ferri's Clinical Advisor 2018 E-Book: 5 Books in 1. Elsevier Health Sciences. pp. 979–980. ISBN 9780323529570.