Petersdom

De Petersdom in Rom (au: Peterschilche; Basilika St. Peter; Petersbasilika; Vatikanischi Basilika, italienisch: Basilica di San Pietro in Vaticano) isch die zwaitgrößt christlich Chilche vu de Welt, nooch de Basilika Notre-Dame de la Paix in Yamoussoukro im Staat Elfenbeinküste, un fasst 60.000 Persone. Er isch d'Grabeschilche vum Apostel Simon Petrus un dodemit ä zentrals Hailigtum vu de römisch-katholische Chilche un aini vu viir römische Patriarchalbasilike. Entgege ere verbraitete Uffassig isch er aber nit d'Kathedrale vu Rom. Säll isch San Giovanni in Laterano (Lateran). Sit im 14. Johrhundert de Hauptwohnsitz vum Papst vum Lateranpalast an de Vatikan verlegt worre isch, isch im Petersdom ä gstaigerti Bedütig zue.