Back Pinkster AF Pentecosta AN عيد العنصرة Arabic ܦܢܛܝܩܘܣܛܝ ARC عيد العنصره ARZ Cincuesma AST Pentikost bayramı AZ Pentekostes BCL Пяцідзясятніца BE Дзень Сьвятога Духа BE-X-OLD
Pfingschte oder elter alemannisch Pfeischte (vu griech. πεντηκοστή [ἡμέρα] pentekostē [hēmera] ‚dr fufzgscht Dag‘) isch e chrischtlig Fescht. Gfyyrt wird vu dr Glaibige d Sändig vum Hailige Gaischt. S wird am fufzigschte Dag no dr Oschtere begange und s isch s Änd vu dr Oschterziit.
Im Neie Teschtamänt wird in dr Aposchtelgschicht (Apg 2, 1–41) verzellt, ass dr Hailig Gaischt uf d Aposchtel un d Jinger aabechuu isch, wu si zum alte jüüdische Fescht (Schawuot) z Jerusalem versamlet gsii sin:
„1 Wu dr Dag vum Schawuotfescht chuu isch, sin alli am nämlige Ort gsii. 2 Do isch zmools vum Himmel här e Bloose chuu, wie wänn s e heftige Sturm deet gee, un het s ganz Huus gfillt, wu si din ghockt sin. 3 Un sin ene Zunge wie us Fyyr erschiine, wu si verdailt hän: uf e jede het si aini nidergloo. 4 Un alli sin vum Hailige Gaischt erfillt wore un hän aagfange, in andere Sprooche z schwätze, wie s ene dr Gaischt yygee het.“
Des Datum wird in dr chrischtlige Dradizion au as Grindig vu dr Chilche verstande. As chrischtlig Fescht wird Pfingschte zem erschte Mol anne 130 gnännt.