Phalangopsidae

Phalangopsidae
Nyenje kengele kusi (Homoeogryllus orientalis)
Uainishaji wa kisayansi
Himaya: Animalia (Wanyama) Faila: Arthropoda (Wanyama wenye miguu yenye viungo) Nusufaila: Hexapoda (Arithropodi wenye miguu sita) Ngeli: Insecta (Wadudu) Nusungeli: Pterygota (Wadudu wenye mabawa) Oda: Orthoptera (Wadudu wenye mabawa nyofu) Nusuoda: Ensifera (Wadudu kama nyenje) Familia ya juu: Grylloidea (Nyenje) Laicharting, 1781 Familia: Phalangopsidae Blanchard, 1845
Ngazi za chini
Nusufamilia 5: Cacoplistinae Saussure, 1877 Luzarinae Hebard, , 1928 Paragryllinae Desutter-Grandcolas, 1987 Phalangopsinae Blanchard, 1845 Phaloriinae Gorochov, 1985

Phalangopsidae ni familia ya wadudu wanaofanana na nyenje-ardhi (Gryllidae). Nchini Afrika Kusini huitwa “bell crickets” au nyenje kengele. Inapendekezwa kutumia jina hili angalau kwa spishi za Afrika.

Hii ni moja ya familia kubwa zaidi za nyenje yenye spishi zinazotofautiana sana. Kwa hivyo ni ngumu kutoa maelezo ya jumla ya mofolojia na tabia zao. Spishi nyingi huonekana kuishi katika misitu, huku idadi nzuri zikiishi katika mapango. Wadudu hao hukiakia wakati wa usiku na hula dutu za kioganiki kati ya takataka za majani au takataka nyingine katika kisa cha mapango. Wakati wa mchana hujificha kwenye mashimo. Spishi nyingi hupendelea hali ya unyevunyevu, ingawa spishi nyingine huko Australia na visiwa kadhaa vya Pasifiki huishi katika hali kavu^[1].

1. ↑ L. Desutter-Grandcolas (1995) Toward the knowledge of the evolutionary biology of phalangopsid crickets (Orthoptera: Grylloidea: Phalangopsidae): data, questions and evolutionary scenarios. Journal of Orthoptera Research 4: 163-175.