Pictor

El Caballete del Pintor Pictor
Carta celeste de la constelación del Caballete del Pintor na qu'apaecen les sos principales estrelles.
Nomenclatura
Nome n'asturianu	El Caballete del Pintor
Nome en llatín	Pictor
Xenitivu	Pictoris
Abreviatura	Pic
Descripción
Introducida por	Nicolas-Louis de Lacaille
Superficie	246,7 graos cuadraos 0,598 % (posición 59)
Ascensión reuta	Ente 4 h 32,87 m y 6 h 52,04 m
Declinación	Ente -64,15° y -42,80°
Visibilidá	Completa: Ente 90° S y 26° N Parcial: Ente 26° N y 47° N
Númberu d'estrelles	49 (mv < 6,5)
Estrella más brillante	Alfa Pictoris (mv 3,26)
Oxetos Messier	Nengunu
Oxetos NGC	21
Oxetos Caldwell	Nengunu
Lluvies de meteoros	Nenguna
Constelaciones colindantes	6 constelaciones Caelum Carina Columba Doráu Puppis Volans
Meyor mes pa ver la constelación Hora llocal: 21:00
Mes	Febreru
[editar datos en Wikidata]

Pictor o el Caballete del Pintor ye una constelación de los cielos australes que s'atopa ente la estrella Canopus y la Gran Nube de Magallanes. Foi creada pol astrónomu francés del sieglu XVIII Nicolas-Louis de Lacaille col nome de Equuleus Pictoris; de normal represéntase con un caballete. La estrella más brillosa de la constelación ye Alfa Pictoris, una estrella blanca de la secuencia principal a unos 97 años lluz de la Tierra. Pictor tamién alluga a RR Pictoris, un sistema d'estrelles variables cataclísmicas qu'españó como nova en 1925, algamando una magnitú aparente de 1,2 pa sumir dempués na escuridá.

Pictor atraxo l'atención de los astrofísicos por cuenta de que la so segunda estrella más brillosa, Beta Pictoris, asitiada a 63,4 años lluz, ta arrodiada por un discu de polvu ricu en carbonu y tien un exoplaneta. Afayáronse planetes n'otros cinco estrelles d'esta constelación. Ente estes atópase HD 40307, una nana naranxa con seis planetes n'órbita, unu de los cualos, HD 40307 g ye una potencial supertierra na zona de habitabilidad. La estrella de Kapteyn, la estrella más cercana a la Tierra de Pictor, ye una nana colorada a 12,76 años lluz de distancia. En 2014 atopóse que tenía dos supertierras n'órbita. Pictor A, a 800 000 años lluz, ye una radiogalaxa que'l so supermasivo furacu negru central espulsa un remexu de plasma. En 2006 reparóse un españíu de rayu gamma, GRB 060729, que foi mientres dos años el más brillosu detectáu en llargores de rayos X.