Back Pokke AF Picueta AN मसूरिका ANP جدري Arabic جدرى ARZ বৰআই AS Viruela AST Chuqu usu AY Təbii çiçək AZ چیچک مریضلیگی AZB
D Pocke (latiin. Variola) si en Infekzioonschranket gsi, wo vo Pockevire verursacht worde isch und für d Mensche gföörlig gsi isch.
Sit de letschte Fäll im Joor 1977 z Somalia si käni nöiji mee vorchoo; dr letscht Fall z Dütschland isch im Joor 1972 z Hannover ufdräte. Dank eme konsekwänte Impf- und Bekämpfigsbrogramm vo dr WHO und andere Gsundhäitsorganisazioone het d WHO im Joor 1980 chönne erklääre, ass d Wält frei vo Pocke sig, wil dr Erreger nume dur de Mensche cha witergee wärde. Es isch aber nid ummööglig, ass es nöiji Pockeninfekzioone cha gee. S Wirus existiert offiziell no in zwäi Laboratorie uf dr Wält; allerdings isch s nid sicher, ass es nid Staate git, wo s Wirus häimlig ufbewaare. Es weere also Nöiinfekzioone dur Laborunfäll mööglig oder as Resultat vo Bioterrorismus.