Politikwissenschaft

Bolitikwüsseschaft – au Bolitischi Wüsseschaft, Wüsseschaft vo dr Bolitik, oder Politologii – isch en Integrazioonswüsseschaft und Däil vo de modärne Soziaalwüsseschafte. Si beschäftigt sich mit em wüsseschaftlige Leere und Erforsche vo bolitische Brozäss, Strukduure und Inhalt und de bolitische Fenomeen vom menschlige Zsämmelääbe. D Bolitikwüsseschaft ghöört as Wüsseschaftsdiszipliin im witere Sinn au zu de Staatswüsseschafte. Mit Noochberdiszipliine wie dr Soziologii, dr Rächtswüsseschaft, dr Gschichtswüsseschaft, de Wirtschaftswüsseschaft und dr Psüchologii isch dr Gegestand vo iirer Forschig hützudaag interdisziplinäär, und goot über e Staat und sini Instiduzioone wit uuse.