Pomerania

Pomerania

Math	ardal hanesyddol
Daearyddiaeth
Gwlad	yr Almaen, Gwlad Pwyl
Arwynebedd	38,401 km²
Gerllaw	Y Môr Baltig
Cyfesurynnau	54.2944°N 18.1531°E
Ffeiliau perthnasol ar Comin
[golygwch ar Wicidata]

Rhanbarth hanesyddol ar lan ddeheuol y Môr Baltig yng Nghanolbarth Ewrop yw Pomerania (Pwyleg: Pomorze; Almaeneg: Pommern), wedi'i rhannu rhwng Gwlad Pwyl a'r Almaen. Lleolir y rhan ganolog a dwyreiniol yng Ngwlad Pwyl, tra bod y rhan orllewinol yn perthyn i daleithiau Mecklenburg-Vorpommern a Brandenburg yn yr Almaen. Mae gan y rhanbarth hanes gwleidyddol a demograffig cymhleth mewn ardal sy'n gartref i sawl diwylliant gwahanol.^[1]

Mae gan Pomerania ddwysedd poblogaeth cymharol isel. Ei dinasoedd mwyaf yw Gdańsk a Szczecin, ill dau yng Ngwlad Pwyl. Y tu allan i'w hardaloedd dinesig, fe'i nodweddir gan dir amaeth, yn frith o lynnoedd, coedwigoedd a threfi bach niferus. Yn y gorllewin y mae amryw ynysoedd, a'r fwyaf ohonynt yw Rügen, ynys fwyaf yr Almaen; Usedom/Uznam a rennir rhwng yr Almaen a Gwlad Pwyl, a Wolin, yr ynys fwyaf yng Ngwlad Pwyl.

1. ↑ Werner Buchholz (1999). Pommern (yn Almaeneg). Siedler. tt. 22–23. ISBN 3-88680-272-8