Protobulgaren

Protobulgare (gläägentlig au Ur-Bulgare oder Hunno-Bulgare) isch e wüsseschaftligi Bezäichnig für verschidnigi Verbänd vo Stämm in dr öirasischen Steppezoone, wo vor allem Turksprooche gschwätzt häi und sit em 5. Joorhundert in de Schriftkwelle under em Ethnonüm „Bulgare“ erschiine.^[1][2] Iiri Sprooch bezäichnet mä als Bolgarisch. De Protobulgare si östlig und westlig vom Assowsche Meer (Megale Boulgaria), uf em Balkan und an dr middlere Wolga (Wolga-Kama-Bulgarie) gröösseri Riichsgründige glunge. D Protobulgare, wo uf e Balkan iigwanderet si, si im Früemiddelalter (7.–10. Joorhundert) slawisiert worde. Si häi im 9. Joorhundert s Christedum aagnoo und wärde zu de Vorfaare vo de hütige (slawische) Bulgare zelt.^[3] D Wolgabulgare hingege häi im 10. Joorhundert dr Islam aagnoo.

1. ↑ Vgl. Harald Haarmann: Protobulgaren, in: Lexikon der untergegangenen Völker, München 2005, S. 225. Allgemeiner Überblick bei: I. Dujcev: Bulgarien, in: Lexikon des Mittelalters, Bd. 2, Sp. 915ff.; René Grousset: Die Steppenvölker, München 1970, S. 249; Heinz Siegert: Osteuropa – Vom Ursprung bis Moskaus Aufstieg, Panorama der Weltgeschichte, Bd. II, hg. von Dr. Heinrich Pleticha, Gütersloh 1985, S. 46; Walter Pohl: Ein Jahrtausend der Wanderungen, 500–1500 (Memento vom 29. Novämber 2011 im Internet Archive). In: Wieser Enzyklopädie des europäischen Ostens 12, S. 134ff., 147
2. ↑ Hösch/Nehring/Sundhaussen, 2004, S.553
3. ↑ Hösch/Nehring/Sundhaussen, 2004, S. 139–140.