Psychedelisch

Psüchedelisch (vo gr. ψυχη (psychḗ, „Seel“) und gr. δῆλος (dẽlos, „offebar“)) bezäichnet e veränderete Bewusstsiiszuestand, wo dur dr Konsum vo bestimmte Droge (sogenannte Psüchedelika), aber au dur gäistigi und rituelli Braktike (wie öbbe Dransdanz oder Meditazioon) cha erräicht wärde. Dä isch under anderem charakterisiert dur en Ufheebig vo de Gränze zwüschen em Ich und dr Ussewält, wo spirituelli Erlääbniss und Erfaarige vo Alles-isch-äins mööglig mache. In däm Zämmehang reedet mä vilmol au von ere Bewusstsiiserwiterig.

Dr Begriff isch 1956 im Briefwäggsel vom Psüchiater Humphry Osmond mit em Schriftsteller Aldous Huxley brägt worde, wo dr Osmond gschriibe het:

To fathom Hell or soar angelic,
Just take a pinch of psychedelic.^[1]

1. ↑ Janice Hopkins Tanne: Humphry Osmond.