Quiksilver

Quiksilver
negoco • butikĉeno • subtegmenta vendejo • entrepreno • publika kompanio vd
Dum	1969 - nekonata/nuntempe
Jura formo	korporacio en Delavario
Sidejo	Huntington Beach
Lando	Usono
Dungitoj	7 500 (stato: 2021)
Agokampo	vesto • sporta vestaĵo • bankostumo • piedvesto • akcesoraĵo
Posedata de	Authentic Brands Group vd
filiaj kompanioj	Roxy • Billabong (firmao) • DC Shoes vd
TTT	Oficiala retejo
v • d • r

Quiksilver estas marko kaj firmao, kiu estas unu el la plej grandaj produktantoj de surfada ekipaĵo kaj aventursportomodo en la mondo. La firmao estis fondita en 1970 en Bells Beach, Viktorio, Aŭstralio kaj nuntempe troviĝas en Huntington Beach, Kalifornio, Usono ^[1].

La nomo de la firmao estas korupto de la literumo de la vorto Quicksilver, kio estas arkaika nomo en la angla por hidrargo ^[2]. La emblemo de la firmao estis inspirita de la lignoĉiza ksilografio mondfama de la japana artisto Hokusaj, Sub Granda Ondo apud Kanagava ^[3], konsistanta el ondego antaŭ monto ĉe ruĝa fono.

En 2015 la nomo de la firmao kiu posedas la Quiksilver- markon estis ŝanĝita al "Boardriders" ^[4]. En 2018, Boardrides akiris la konkurantan surfadmarkon, Billabong ^[5]. En aprilo 2023, Authentic Brands Group faris obligacian proponon akiri Boardriders, Inc. Por USD$1.25 miliardo ^[6].

Quiksilver funkciigas ĉirkaŭ 150 butikojn en gravaj centroj de surfado kaj en grandurboj tra la mondo ^[7] sed ĝiaj produktoj ankaŭ estas venditaj en aliaj vendejoj. Aldone, la firmao funkciigas plurajn apartajn butikojn kiuj eksluzive vendas produktojn de la marko Roxy.

Quiksilver sponsoras ĉirkaŭ 500 amatorajn kaj profesiajn surfantojn, neĝtabulantojn, skiantojn kaj rultabulistojn. Inter ili estas la surfisto Kelly Slater kaj la rultabulisto Tony Hawk. Krome, la kompanio havas rajtojn pri la surfaj turniroj "Quiksilver Pro " en Francio kaj Gold Coast en Aŭstralio.

1. ↑ Global Boardsports Market. Companiesandmarkets.com. Arkivita el la originalo je 4 March 2016. Alirita 2016-02-21 . Arkivigite je 2016-03-04 per la retarkivo Wayback Machine
2. ↑ Quiksilver - About Us. Quiksilver (2011). Alirita 2011-12-29 .
3. ↑ (In French) L'Express (13 July 2000) Surf La planche à billet. Alirita 2009-09-06 .
4. ↑ Quiksilver, Inc. renamed Boardriders, Inc.
5. ↑ "Huntington Beach-based Boardriders acquires Billabong", 4 January 2018.
6. ↑ . Big names back US group buying Billabong and Quiksilver parent (angle) (2023-04-03). Alirita 2023-04-04 .
7. ↑ (13 June 2011) “Quiksilver Comeback: New Stores Planned”, Orange County Business Journal 34 (24), p. 65.