Rap isch en änglischs Wort, wo urschprünglig 'klopfe' haisst (und z. T. immer no in däm Sinn benutzt wird). Im afroamerikanische Änglisch hed sich das zu 'rede' wyterentwiggled. In de schpote 1970er Joor schliesslig isch e nöji Art vo Musik ufdaucht, wo sich dur rytmischs Rede uszaichnet hed. Die Art vo 'Sprechgesang' isch schliesslig als Rap bekannt worde, d Musik drzue als Rap-Musik oder Hip-Hop(-Musik). Unterdesse wird au in in vilne andere Musikschtil grappt, zum Byschpil im Rapcore oder Nu Metal. D Person wo rappt haisst Rapper.