Reliquie

E Relikwie (vo latiin. reliquiae, „öbbis wo zrüggloo worde isch“, „Räst“) isch e Geegestand, vilmol e Körber oder Körperdäil vom ene Häilige oder öbbis, wo us sim persöönlige Bsitz, wo kultisch religiöös vereert wird. E bsundrigi Form vo de Relikwie si d „Berüerigsrelikwie“, Geegeständ, wo dr Häilig zu Läbzite aaglängt häig.

Relikwie git s in fast alle Religioone. Bsundrigs wichdig si si im Christedum, im Shintō und im Buddhismus. Je noch dr Definizioon vom Begriff Relikwie kenne au dr Islaam^[1], dr Hinduismus^[2] und dr Taoismus^[3] d Relikwievereerig, nid aber dr Dschainismus^[4] oder s Juudedum. Au im Kommunismus, wo für vili e Substidut für Religioon worde isch, git s d Relikwievereerig, wie zum Bispil d Mumie vom Lenin z Moskau.

1. ↑ en:Relics of Muhammad
2. ↑ Orianne Aymard: The Cult of Relics in Hinduism
3. ↑ Taoism Relics Exhibit in Hubei Museum
4. ↑ Peter Flügel Jaina Relic Stupas