Remache

Remache
type of machine element (en)
Historia y usu
Usu	fijar remache (es)

Un roblón o remache ye un elementu de fixación que s'emplega pa xunir de forma permanente dos o más pieces. Consiste nun tubu cilíndricu (el renuevu) que nel so fin dispón d'una cabeza. Les cabeces tienen un diámetru mayor que'l restu del remache, por qu'asina al introducir ésti nun furacu pueda ser encaxáu. L'usu que se-y da ye pa xunir dos pieces distintes, sían o non del mesmu material.

Anque se trata d'unu de los métodos d'unión más antiguos qu'hai, anguaño la so importancia como téunica de montaxe ye mayor que nunca. Esto ye debíu, en parte, pol desenvolvimientu de téuniques d'automatización que consiguen abaratar el procesu d'unión. Los campos nos que más s'usa'l remacháu como métodu de fixación son: automotriz, electrodomésticos, muebles, hardware, industria militar, metales laminados, ente otros munchos.

Esiste un pequeñu matiz diferenciativo ente un roblón y un remache. Los roblones tán constituyíos por una sola pieza o componente, ente que los remaches pueden tar constituyíos por más d'una pieza o componente. Ye común denominar a los roblones tamién remaches, anque la correuta definición de roblón ye pa los elementos d'unión constituyíos por un únicu elementu.

Les ventayes de les uniones remachaes/roblonadas son:

• Trátase d'un métodu d'unión baratu y automatizable.
• Ye válidu pa unión de materiales distintos y pa dos o más pieces.
• Esiste una gran variedá de modelos y materiales de remaches, lo que dexa acabaos más estéticos que coles uniones atornellaes.
• Dexa les uniones ciegues, esto ye, la unión cuando namái ye accesible la cara esterna d'una de les pieces.

Como principales inconvenientes destacar:

• Nun ye afechu pa pieces de gran espesura.
• La resistencia algamable con un remache ye inferior a la que puede consiguise con un torniellu.
• La unión nun ye desmontable, lo qu'enzanca'l caltenimientu.
• La unión nun ye enllanca.