Renaiximiento

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Renaiximiento ye o nombre dato a l'amplo movimiento a on se revilcó a cultura clasica y que se produció en Europa occidental en os sieglos XV y XVI. Os suyos prencipals exponents se troban en o campo d'as artes anque tamién tenió prou importancia en a literatura y as ciencias, tanto naturals como humanas.

O nombre Renaiximiento s'emplegó porque iste tornó a prener os elementos d'a cultura clasica. O termin procede d'a obra de Giorgio Vasari Vidas de pintors, escultors y arquitectos famosos, publicata en 1570, pero dica o sieglo XIX iste concepto no tien una ampla interpretación historico-artistica.

Manimenos, Vasari heba formulato una idea determinant, o nuevo naiximiento de l'arte antigo griego y romano, que presuposaba una marcata consciencia historica individual, fenomeno nuevo de raso en l'actitut espiritual de l'artista.