Revolution

Revolution hè una canzone di i Beatles, cumposta da John Lennon è publicata in dui virsione differente in u 1968.^[1] A prima virsione hè rigistrata da u prima ghjornu di e sissione di l'album The Beatles, u 30 di maghju di u 1968. In un stile blues è lentu, armunizata è accunciata incù i rami, 'ssa canzona ùn hè micca cunsiderata abbastanza cummerciale per esse publicata in single. Sottu à l'impulsu di Lennon, un'antra virsione hè dunque elaburata di lugliu, 'ssa volta più rapida, à e sunorità hard rock incù e chitarre saturate. Revolution hè cummercializata sottu à 'ssa forma in faccia B di u single Hey Jude u 26 di aostu di u 1968 à i Stati Uniti è u 30 di aostu à u Regnu Unitu, quandu a virsione lenta, dinuminata Revolution 1, ùn hè publicata ch'è trè mesi dopu, annantu à a quarta faccia di l'album dettu "biancu".

Revolution hè a prima canzona à palesu pulitica di i Beatles. S'iscrive in u cuntestu puliticosuciale particularmente agitatu di 1968, è custituisce a risposta di Lennon à i diversi gruppi rivoluziunarii chì dumandavanu u so sustegnu finanziariu è murale. U titulu hè ingannatore, chì u testu ùn chjama micca à una mossa massiccia, ma piuttostu à una rimessa in quistione inquantu à u modu di rivoluziunà e cose, chì duveria sient'è l'autore fà si senza viulenza. Eppuru, Lennon hà messu un certu tempu per esse sicuru di a so idea : quandè ellu hè quistione di distruzzione, ùn s'afferma micca dinù da veru contru à in a prima virsione di a canzona, Revolution 1.

Revolution amorce cusì l'impegnu puliticu di John Lennon, è altri tituli risulteranu di a so azzione per a pace, cum'è Give Peace a Chance è Imagine, ch'è ellu rigistrerà da solu.

L' " Album biancu " cuntene per altru u titulu Revolution 9, longa appiccicatura sunora sperimentale rializata da John Lennon è a so cumpagna Yoko Ono (à parte si da a rigistrazione di Revolution 1), chì custituisce sient'è John Lennon u " virsante astrattu " di u so messagiu.

1. ↑ 'Ss'articulu pruvene in parte da l'articulu currispundente di a wikipedia in francese.