Rikitrude

Rikitrude (pia: Rictrude, Rictrudis, Richtrudis, Richrudis; 612 - 12 Mei 688) alikuwa mwanamke wa ukoo maarufu wa Ufaransa Kusini Magharibi ambaye tangu ujanani aliongozwa kiroho na Amando akaolewa na Adalbati I akaishi naye maisha maadilifu sana^[1][2] .

Baada ya mumewe kuuawa, kwa ushauri wa Amando alijiunga na monasteri ya Marchiennes aliyokuwa ameianzisha, akawa abesi wake^[3] na kuongoza vizuri sana mabikira waliowekwa wakfu huko^[4].

Anaheshimiwa na Wakatoliki na Waorthodoksi kama mtakatifu, sawa na mume wake na watoto wao wote wanne, Klotsinda, Adalsinda, Eusebia wa Douai na Morandi.

Sikukuu yake huadhimishwa tarehe 12 Mei^[5].

1. ↑ Karine Ugé, The Legend of Saint Rictrude, pp. 283-4, in John Gillingham, Anglo-Norman Studies 23: Proceedings of the Battle Conference 2000 (2001)
2. ↑ Philip Lyndon Reynolds, Marriage in the Western Church (2001), p. 411.
3. ↑ Cristiani, Léon. "Liste chronologique des saints de France, des origines à l'avènement des carolingiens", Revue d'histoire de l'Église de France, 1945, p. 76
4. ↑ http://www.santiebeati.it/dettaglio/92778
5. ↑ Martyrologium Romanum: ex Decreto Sacrosancti oecumenici Concilii Vaticani II instauratum auctoritate Ioannis Pauli P.P. II promulgatum, Romae 2001, ISBN 8820972107