Robert

Robert estas germana vira persona nomo, konsistanta el la malnovaltgermanaj elementoj hruod ("honoro") kaj beraht ("eminenta", "rimarkinda") ^[1]. Krom Robert en la moderna germana kaj angla lingvoj, la nomo en formo Róbert ankaŭ oftas en la hungara. Variigite, la nomo ankaŭ ekzistas en historia latinigita formo Robertus, en formo Roberto kutima ne nur en Esperanto, sed ankaŭ en la itala, hispana kaj portugala lingvoj, kaj krome interalie ankaŭ en litovlingva formo Robertas.

1. ↑ Kazys Kuzavinis kaj Bronys Suvukynas: Lietuvių vardų kilmės žodynas, Vilno, 2-a eldono 1994, paĝo 316