Saaltennis

Saaltennis (Engels: real tennis, Frans: courte-paume of jeu de paume) is die oorspronklike weergawe van tennis wat uit die middeleeuse Franse sport jeu de paume ontwikkel het. Dit word in Frankryk soms steeds jeu de paume genoem en staan in sommige dele van die Verenigde State as court tennis bekend.

Die Engelse term "real tennis" is vir die eerste keer aan die einde van die 19de eeu gebruik as 'n retroniem om dit te onderskei van die toe onlangs uitgevinde lawn tennis. In Engeland noem saaltennisspelers die spel baiekeer "tennis" en noem hulle die moderne spel "lawn tennis".

Saaltennis word steeds op 'n klein aantal bane in die Verenigde Koninkryk^[1] Australië,^[2] die VSA,^[3] Ierland,^[4] Nederland ^[5] en Frankryk^[6] gespeel. Die sport word ondersteun en bestuur deur 'n aantal saaltennisorganisasies in die lande.

1. ↑ The Tennis and Rackets Association, besoek op 13 Oktober 2007
2. ↑ Real Tennis Australia.com Geargiveer 29 September 2007 op Wayback Machine, besoek op 13 Oktober 2007
3. ↑ Court Tennis in the United States Geargiveer 11 Oktober 2007 op Wayback Machine, besoek op 13 Oktober 2007
4. ↑ Irish Real Tennis Association, besoek op 13 Oktober 2007
5. ↑ Nederlandse Real Tennis Bond, besoek op 13 Oktober 2007
6. ↑ Comité français de Courte-Paume Geargiveer 9 Oktober 2007 op Wayback Machine, besoek op 13 Oktober 2007