Saksio-Vajmaro-Eisenach

Por aliaj signifoj, bv. rigardi la apartigilan paĝon: Saksio (apartigilo)

Saksio-Vajmaro-Eisenach Grandduklando Saksio
Origina nomo:
Sachsen-Weimar-Eisenach Großherzogtum Sachsen
←  ←  1809 – 1918  →
grandduklando • ŝtato de la Rejna Federacio • duklando • ŝtato de la Sankta Romia Imperio • ŝtato de la Germana Federacio 1815–1848 & 1850–1866
Geografio Saksio-Vajmaro-Eisenach en la Germana Regno
Ĉefurbo:	Vajmaro
Areo:	3 617 km² (1905)
Loĝantaro
Kvanto de loĝantoj:	388 000 (1905)
Lingvoj:	germana
Religio:	luteranismo
Ŝtat-strukturo
Ŝtat-strukturo:	1741-1809 persona unio de du apartaj duklandoj 1809-1815 duklando 1815-1918 grandduklando 1918-1920 respubliko
Patrina lando:	ĝis 1806 Sankta Romia Imperio; post 1871 Germana Regno
Estiĝo:	1741 Saksio-Vajmaro heredas Saksion-Eisenach 1809 ŝtatjura unuiĝo al unu duklando
Pereo:	1918 Novembra Revolucio 1920 unuiĝo kun aliaj turingiaj ŝtatoj al Turingio
Antaŭaj ŝtatoj: Saksio-Vajmaro Saksio-Eisenach Postsekvaj ŝtatoj: Turingio Elstaraj historiaj eventoj Diplomatiaj rilatoj Rejna Federacio
v • d • r

Saksio-Vajmaro-Eisenach, germane Sachsen-Weimar-Eisenach [zaksn vajma ajzenaĥ], estis tiel nomata ernesta duklando en la nuntempa germana lando Turingio. Ĝia ĉefurbo estis Vajmaro. Ĝi estiĝis en 1741 (per kunfandiĝo de la duklandoj Saksio-Vajmaro kaj Saksio-Eisenach, unue en persona unio, ekde 1809 ankaŭ ŝtatjure kiel unuopa ŝtato) ĝis 1918/1920.

Johann Wolfgang von Goethe havis plurajn ŝtatajn postenojn en la duklando.

La Viena Kongreso en 1815 rangaltigis la duklandon Saksio-Vajmaro-Eisenach al grandduklando. Ekde 1903 ĝi nomis sin "grandduklando Saksio". Inter 1903 kaj 1918 do ekzistis "tri Saksujoj":

• la reĝlando Saksujo (proksimume la nuna federacia lando Saksio)
• la grandduklando Saksujo (parto de la nuna federacia lando Turingio)
• la provinco Saksujo (prusia provinco, parto de la nuna federacia lando Saksio-Anhalto)

En 1918 la grandduklando fariĝis respubliko, kiu en 1920 kuniĝis kun aliaj turingiaj landetoj al la lando Turingio.