Sardano

La Sardano estas danco en grupo kaj en cirklo, kiu danceblas en Katalunio kaj Andoro. La partoprenantoj prenas sin el la manoj laŭ paroj, tio estas paroj de viro kun virino siadekstre, tio estas alterna modelo de viro-virino-viro-virino. Pri longeco (amplekso) de sardano, estas sardanoj de 7 kaj de 10 "tirades", kiu havas markatajn strukturojn de danceroj "curts" (kurtaj) kaj "llargs" (longaj).

Oni dancas tiun dancon je muziko ludata de cobla (ventobando de 12 instrumentoj ludataj de 11 muzikistoj, el kiuj 4 instrumentoj estas ĉu tipaj katalunaj ĉu tipaj katalunaj variantoj.

Ĉar oni dancas la sardanon kiel cirklo de dancantoj kiuj prenas sin per la levataj manoj, kelkaj sugestis ke temas pri tre antikva danco, ĉu devena de Antikva Grekio al iberoj, aŭ simile. Sed plej verŝajne estas ke devenas el Sardio kaj ke strukturiĝis nur fine de la 19a jarcento meze de la renaskiĝo de la kataluna kulturo, kies simbolo ĝi estas.