Sedisvakantismus

Dr Sedisvakantischmus (vu làtiinisch sedes ‚Sìtz‘ un vacans ‚laar‘), àui àls Sedisvakanztheesa bezaichent, ìsch a theologischa Ufffàssung, wo ainiga tràdizionàlìschta Kàthoolika sitter da Joohra 1960 vertratta.^[1][2] Ìn ìhra Àuiga gìtt’s sitter’m Tood vum Piüs XII. ànna 1958 —bzw. vum Johànnis XXIII. ànna 1963— kää rachtsmaassiger Pàpscht. Ìm Unterschììd züa era nàdììrliga Sedisvakanz vum Hailiga Schtüahl durs Schtaarwa odd’r Rucktrìtt vu’ma Pàpscht säjg dàs a üsserordentliga Sedisvakanz, wu dr hìttiga-n-àmtierenda Pàpscht kää gìltiger Àmtstraager säjg, wial’r Ìrrlehra gnaamigt hatt.

Wiavììl Ààhanger vu dara Theesa ’s gìtt, ìsch schwaar z’ sààga —’s sìnn meegligerwiis zwìscha-n-a pààr Zehntoisiga un mehrera Hunderttoisiga Litt uff dr Walt.^[3] Sa sìnn schtarker verbraitet ìn da USA àls ìn Öiropà. Hìttz’tààgs gìtt’s a pààr sedisvakantischta Bischääf uff dr Walt, wo nìcks z’ tüa hann mìt da geegawartiga Beheerda vu dr reemisch-kàthoolischa Kìrìch. D’ maischta d’rvuu schtàmma vu dr Wäihalinia vum vietnameesischa-n-Arzbischoof Ngô Đình Thục. Ainiga sedisvakantischa Priaschter un Bischääf hann sìch salbscht àls „näijer Pàpscht“ ärkläärt —dia Ufffàssung nännt maa „Konklàwìschmus“.^[4] Sa wara jedoch vu da maischta Sedisvakantischta nìt àànärkännt.

1. ↑ R. Scott Appleby: Being Right: Conservative Catholics in America. Indiana University Press, 1995, ISBN 978-0-253-32922-6, S. 257 (amerikanisches Englisch, google.com [abgerufen am 15. Oktober 2022]). 
2. ↑ Martin E. Marty, R. Scott Appleby: Fundamentalisms Observed. University of Chicago Press, 1994, ISBN 978-0-226-50878-8, S. 88 (amerikanisches Englisch, google.com [abgerufen am 15. Oktober 2022]). 
3. ↑ William J. Collinge: Historical dictionary of Catholicism. 2. Auflage. Scarecrow Press, Lanham, Maruland 2012, ISBN 978-0-8108-5755-1, S. 399 (amerikanisches Englisch): “from tens of thousands to hundreds of thousands” 
4. ↑ Conclavism. In: George D. Chryssides (Hrsg.): Historical Dictionary of New Religious Movements. 2. Auflage. Scarecrow Press, 2012, ISBN 978-0-8108-7967-6, S. 99 (englisch, google.com [abgerufen am 15. Oktober 2022]).