Selmana

La selmana ye un periodu de tiempu de siete díes consecutivos. Los nomes de los siete díes de la selmana son:

• Llunes
• Martes
• Miércoles
• Xueves
• Vienres
• Sábadu
• Domingu

L'orixe d'estos nomes tán na observación del cielu polos antiguos astrónomos. Demientres el añu, la mayor parte de los astros nun camudaben de posición unos respeutu d'otros. Sicasí, los astrónomos decatáronse de siete cuerpos que sí lo facíen. El Sol y la Lluna, los dos primeros, formaben parte d'ellos. Los otros cinco yeren los planetes que podíen columbrase cola vista: Mercuriu, Venus, Marte, Xúpiter y Saturnu. Los pueblos antiguos creyíen que yeren estrelles móviles.