Serbosistema

Serbosistema tresnak eta ibilgailuak urrutitik automatikoki kontrolatzeko eta agintzeko sistema da.

Serbosistema batean elkarrekin lotuak dauden osagai desberdinak dira; energia txikiko seinale bat jasoz une bakoitzean behar den motako energia eta behar den neurrian ekoiztea dute helburua. Osagaien arteko lotura hori korronte elektriko bidez, engranaia mekaniko bidez, argi bidez eta bestelako zenbait eratara egiten da. Serbosistemek agindu edo programa jakin batzuei jarraituz funtzionatzen dute era automatikoan, eta beren sistemari erasotzen dioten eragileei (marruskadurak, energia aldaketak, indarrak etab.) erantzuten diete.