Serhat

Serhat
türk. Ahmet Serhat Hacıpaşalıoğlu
Serhat Qızıl Kəpənək Mükafatları mərasimində
Ümumi məlumatlar
Doğum adı	Əhməd Serhat Hacıpaşalıoğlu
Doğum tarixi	24 oktyabr 1964 (60 yaş)
Doğum yeri	İstanbul, Türkiyə
Milliyyəti	türk
Musiqiçi məlumatları
Fəaliyyəti	müğənni, prodüser, aparıcı
Fəaliyyət illəri	1994–h.h.
Janr	Pop Disko Latın
Albom şirkəti	End Music Planetworks CAP-Sounds
Təhsili	İstanbul Universiteti, İstanbul Özəl Alman Liseyi[d]
serhatofficial.com
Vikianbarda əlaqəli mediafayllar

Əhməd Serhat Hacıpaşalıoğlu və ya qısaca Serhat (d. 24 oktyabr 1964, İstanbul, Türkiyə) — türk müğənni, prodüser və aparıcı.

İstanbulda doğulub böyüyən Serhat 1994-cü ildə "End Productions" adlı şirkəti quraraq prodüserlik karyerasına başlamışdır. Həmin il TRT-də yayımlanan və Amerikanın yarışma proqramı "Jeopardy!"-nin Türkiyə versiyası olan "Riziko!"nun prodüserliyini və aparıcılığını etmişdir. 1997-ci ildə, "Rüya-Ben Bir Daha" adlı ilk sinqlını yayınlayaraq musiqiçi karyerasına başlamışdır. Aparıcı və prodüserliklə yanaşı musiqiçi kimi də fəaliyyətini davam etdirib və 2004-cü ildə "Total Disguise" (Viktor Lazlo ilə duet), 2005-ci ildə "Chocolate Flavour", 2008-ci ildə "I Was So Lonely", "No No Never (Moscow-Istanbul)" və "Ya + Ti" ("Total Disguise" mahnısının rus dilindəki versiyası, hər üçü Tamara Qverdtsiteli ilə duet), 2014-cü ildə isə "Je M'Adore" sinqllarını buraxmışdır. Serhat "I Didn't Know" mahnısı ilə San-Marinonu Stokholmda keçirilən 2016 Avroviziya Mahnı Müsabiqəsinda təmsil etmiş və nəticədə birinci yarımfinalda 12-ci yerdə qərarlaşaraq, finala adlaya bilməmişdir. Daha sonra Serhat həmin mahnını disko versiyasını Amerikan müğənnisi və bəstəkarı Marta Voş ilə duet şəklində ifa etmişdir. Bu versiya Dens Klub mahnıları hit paradında 25-ci yerədək yüksəlmiş və bununla da Serhat hit parada daxil olmağa nail olan yeganə türk ifaçı olmuşdur. 2018-ci ildə o, 2005 Avroviziya Mahnı Müsabiqəsinin qalibi Elena Paparizu ilə birlikdə "Total Disguise" mahnısının yeni versiyasını təqdim etmişdir. Serhat İsraildə keçirilən 2019 Avroviziya Mahnı Müsabiqəsində yenidən San-Marinonu təmsil etmişdir.