Simbad

Simbad of SIMBAD is ’n sterrekundige databasis van voorwerpe buite die Sonnestelsel. Dit staan vir Set of Identifications, Measurements, and Bibliography for Astronomical Data. Die inligting word bewerk deur die Centre de données astronomiques de Strasbourg (CDS) in Straatsburg, Frankryk.

Die databasis is geskep deur verskeie katalogusse te kombineer en die inligting aan te vul uit ander akademiese geskrifte. Dit is in 1981 die eerste aanlyn beskikbaar gestel. Die nuutste weergawe is in 2006 uitgereik; die databasis word nou in PostgreSQL gestoor en die sagteware is in Java geskryf.

Op 11 Oktober 2011 het Simbad inligting oor 5 446 342 voorwerpe gehad onder 15 224 536 verskillende name, met 257 763 bibliografiese verwysings en 8 313 370 bibliografiese aanhalings.

’n Asteroïde, 4692 SIMBAD is daarna genoem.