Skrewdriver

Skrewdriver
Асноўная інфармацыя
Жанры	панк-рок рок супраць камунізму
Гады	1976–1979, 1982–1993
Краіна	Вялікабрытанія
Горад	Полтан-лэ-Флайд
Адкуль	Poulton-le-Fylde[d]
Лэйблы	Chiswick Records Rock-O-Rama Records
Склад	Ян Сцюарт Дональдсан Філ Волмслі Рон Хартлі Кеў Макей Джон «Грыні» Грынтан

«Skrewdriver» (бел.: адвёртка або зашрубка) — першы музычны гурт у стылі RAC з Вялікабрытаніі.

Заснаваны Янам Сцюартам Дональдсанам (8.11.1957 — 24.9.1993) пад уплывам панк-гурту «Sex Pistols», канцэрт якога Сцюарт наведаў у Манчэстэры. Да гэтага Ян Сцюарт выконваў песні «The Rolling Stones» у складзе гурту «Tumbling Dice».

«Skrewdriver» запісаў лонгплэй «All Skrewed Up», самотнікі «You’re So Dumb» i «Antisocial». Гурт спыніў дзейнасць у 1979 годзе, але Дональдсан аднавіў яго ў 1982 годзе з фінансавай падтрымкай партыі «Нацыянальны Фронт». Пазней у адказ на нападкі левых арганізацый ён заснаваў экстрымісцкую арганізацыю «Blood & Honor».

У 1992 годзе падчас канцэрту «Skrewdriver» адбыліся сур’ёзныя сутыкненні нацы-скінхэдаў з удзельнікамі леварадыкальных груповак.

24 верасня 1993 года Дональдсан загінуў у аўтакатастрофе і гурту не стала.