Smartisme

Smartisme, of die Smarta-tradisie, is ’n beweging in Hindoeïsme wat saam met die Purana-letterkundegenre ontwikkel het.^[1] Vyf altare met vyf gelyke gode word aanbid: Vishnu, Shiva, Ganesha, Surya en Devi (Shakti).^[1] Die Smarta-tradisie verskil van die ouer Shrauta-tradisie, wat geskoei was op uitgebreide rituele en rites.^[1][2] Daar was ’n taamlike oorvleueling van die idees en praktyke van Smartisme met dié van ander Hindoetradisies soos Shaivisme, Vaishnavisme en Shaktisme.^[3][4][5]

Die Smarta-tradisie het in die vroeë klassieke tydperk van Hindoeïsme, omstreeks die begin van die Christelike tydperk, ontwikkel toe Hindoeïsme ontstaan het uit die wisselwerking tussen Brahmanisme en plaaslike tradisies.^[6][7]

1. ↑ ^{1,0 1,1 1,2} Flood 1996, p. 113.
2. ↑ Knipe 2015, pp. 36-37.
3. ↑ Flood 1996, p. 113, 134, 155-161, 167-168.
4. ↑ Sanderson, Alexis. "The Saiva Age: The Rise and Dominance of Saivism during the Early Medieval Period." In: Genesis and Development of Tantrism,edited by Shingo Einoo. Tokyo: Institute of Oriental Culture, University of Tokyo, 2009. Institute of Oriental Culture Special Series, 23, pp. 276-277.
5. ↑ John Shephard (2009), Ninian Smart on World Religions, Ashgate, ISBN 978-0754666387, bl. 186
6. ↑ Hiltebeitel 2013.
7. ↑ Flood 1996.