Sorbielie

Sorbielie (luotīnėškā: Hirudinea) īr tuokis žėidouts kėrmėns.

Sorbielės gīven prieskūs, lietā tekontiūs ondenīs. Anas sorb vairiū gīviu krauji. Tor tīčē esontius solptukus, katras prėkimb prī skūruos, pragriauža žaizda ė solp krauji nelaidont anom sošašietė. Sorbelie gal būtė ba jiedė daugel dėinu, no kap prīsisorb, tūmet ėšsolp daugiau kraujė nekap patė svera.

Kūna ėlgoms 3-10 cm. Plaukaliu netora.

Senuobie sorbielės nauduotas kraujė nosolpėmou, ba vierīta, ka dielē tuo kraus pasidėrb poikesnis.