Surrey

Surrey
Faane	Geographischi Laag in Ängland
Geografii
Status	Verwaltigsgroofschaft
Region	South East England
Flechi	1.663 km²
Verwaltigssitz	Kingston
ISO 3166-2	GB-SRY
Demografii
Bevölkerig Dichti	1.132.390 (2011) 678 / km²
Distrikt
Spelthorne Runnymede Surrey Heath Woking Elmbridge Guildford Waverley Mole Valley Epsom and Ewell Reigate and Banstead Tandridge

Surrey [ˈsʌɹɪ] isch e Groofschaft (County) im Süde vo Ängland. Si bestoot us de Distrikt Elmbridge, Epsom and Ewell, Guildford, Mole Valley, Reigate and Banstead, Runnymede, Spelthorne, Surrey Heath, Tandridge, Waverley und Woking. D Groofschaft gränzt an Hampshire, Berkshire, Greater London, Kent, East Sussex und West Sussex.

Surrey het öbbe äi Millioon Iiwooner. Die dradizionelli Hauptstadt vo dr Groofschaft isch Guildford gsi, wo au d University of Surrey isch. Geegewärtig befindet sich dr Sitz vo dr Verwaltig z Kingston upon Thames, wo sit 1965 nüme in dr Groofschaft lit; es ghöört zu Greater London. Es git Blään, d Verwaltig uf Woking z verlege.

Wil s eso nooch zu London isch, git s in Surrey e Hufe Pändlergmäinde, d Bevölkerigsdichti isch seer hooch und d Bewooner si im Durchschnitt woolhabender as anderi Bürger vom Veräinigte Köönigriich.

E groosse Däil vo Surrey lit im Grüene Gürtel, und wil dr Boode seer sandig isch und er nume begränzt landwirtschaftlig cha gnutzt wärde, git s e Hufe Fuess- und Ritwääg. Dorum isch Surrey riich an Möögligkäite für ländligi Freizitaktividääte. D Garte- und Parkaalaage in dr Regioon si in s European Garden Heritage Network iibunde.

Surrey isch usserdäm d Häimet von e Hufe Star. Musiker wie dr Phil Collins, Eric Clapton, Bryan Ferry und Ringo Starr lääbe in Surrey. Au Färnsee-Star wie d Liz Hurley häi Landhüüser in dr Groofschaft.