Tanganica

Tanganica
Math	gwlad ar un adeg
Enwyd ar ôl	Llyn Tanganica
Prifddinas	Dar es Salaam
Sefydlwyd	9 Rhagfyr 1961 ;
Iaith/Ieithoedd; swyddogol	Saesneg
Daearyddiaeth
Cyfesurynnau	7°S 39°E
Arian	East African shilling, rupee Dwyrain Affrica
	Ffeiliau perthnasol ar Comin
	[golygwch ar Wicidata]

Gwladwriaeth yn Nwyrain Affrica oedd Tanganica^[1] a enillodd annibyniaeth ar y Deyrnas Unedig ar 9 Rhagfyr 1961 dan statws un o deyrnasoedd y Gymanwlad. Ynghynt yr oedd dan reolaeth Brydeinig fel Tiriogaeth Tanganica, sef tiriogaeth ymddiriedol y Cenhedloedd Unedig o 1946 i 1961 a mandad Cynghrair y Cenhedloedd o 1922 i 1946, a chyn hynny yr oedd yn wladfa Almaenig. Daeth yn weriniaeth ar 9 Rhagfyr 1962, gan aros yn aelod o'r Gymanwlad. Unodd Tanganica â Gweriniaeth Pobl Sansibar a Pemba ar 26 Ebrill 1964 i ffurfio Gweriniaeth Unedig Tanganica a Sansibar, a elwir heddiw yn Weriniaeth Unedig Tansanïa.

Julius Nyerere oedd Prif Weinidog Tanganica yn ystod ei blwyddyn gyntaf o annibyniaeth, ac yna'n Arlywydd y wlad pan ddaeth yn weriniaeth.