Tautotoponimo

Tautotoponimoa (grezieratik: tauto "berdin", topos "leku" eta nomos "izen") leku bati izena emateko erabiltzen den toponimo pleonastikoa da, tokiaren izendapen geografikoa beste hizkuntza batean errepikatzen duena. Horregatik, tautotoponimoak leku jakin baten kolonizazioaren erakusgarri izaten dira.

Gure inguruko tautotoponimoen adibiderik klasikoena erdarazko Val d'Aran da (gaztelaniaz Valle de Arán), Aran euskarazko haran hitzetik bide datorrelako. Euskaldun batek errepikapenaren absurdoa argi ikusten du: Arango harana.

Xabier Kintanaren ustez, Atapuerca ere tautotoponimoa izan liteke (ate-puerta): agian, euskaldunon antzinako mendebalderako hedaduraren erakusgarria da^[1].

1. ↑ Atapuerca izenaren inguruan izeneko artikulua erabili.com webgunean